Plantun de Prouvènço

Pèr coumpara dos planto d'encò nostre

Potamogeton alpinus & Portulaca oleracea

Espigo-d'aigo(-aupenco)

Potamogeton alpinus

Potamogetonaceae

Autre noum : Poutamot.

Nom en français : Potamot des Alpes.

Descripcioun :
L'espigo-d'aigo-aupenco trachis dins li lau de mountagno. Fai dos meno de fueio, aquéli de surfàci, pas toujour presento, dounon d'èr à li de Potamogeton nodosus, alor qu'aquésti d'aigo soun proun longo, an ges de pecou e embrasson pas la tijo (au contro de P. praelongus di proun rare). Amo bèn lis aigo frejo emé gaire de matèri ourganico e proun de dióussigèno. Èi pèr acò que li cast de fedo dèvon resta liuen di lau de mountagno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,1 à 1 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Potamogeton
Famiho : Potamogetonaceae

Ordre : Alismatales

Coulour de la flour : Verdo
Petalo : ges
Ø (o loungour) enflourejado : 1 à 3 cm
Flourido : Estiéu

Sòu : Ca
Autour basso e auto : 1800 à 2400 m
Aparado : Vo
Juliet à setèmbre

Liò : Aigo - Lau - Mueio
Estànci : Mountagnard à Subaupen
Couroulougi : Bourealo
Ref. sc. : Potamogeton alpinus Balb., 1804

Bourtoulaigo

Portulaca oleracea

Portulacaceae

Autre noum : Bourtouraigo.

Noms en français : Pourpier, Porcelane.

Descripcioun :
La bourtoulaigo es uno planto bèn couneigudo que rebalo au sòu. Fai de flour jauno de 4 à 6 petalo, li cambo soun rouginasso e li fueio poupouso. Lou fru es un boursèu que caup de grano negro. Ei coumuno dins li relarg secarous sus li marrìdi terro d'ort.

Usanço :
Ei visto coume uno marrido erbo, pamens fai uno bono ensalado champanello e pòu tambèn èstre cousinado. Soun estùdi a moustra qu'èro richo en ouligo-elemènt, en vitamino C e en oumega-3. Ei bono peréu contro lou quiéu tapa.

Port : Erbo
Taio : 5 à 50 cm
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Portulaca
Famiho : Portulacaceae

Coulour de la flour : Jauno
Petalo : 5
Ø (o loungour) flour : 3 à 5 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Escoumbre e proche dis oustau - Ribiero - Champ
Estànci : Termoumediterran à Mountagnard
Couroulougi : Cousmoupoulito
Ref. sc. : Portulaca oleracea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Potamogeton alpinus & Portulaca oleracea

ges

Coumpara Espigo-d'aigo(-aupenco) emé uno autro planto

Coumpara Bourtoulaigo emé uno autro planto